Sezoni i tretë i “Big Brother VIP Kosova” është gati për të nisur. Data zyrtare është konfirmuar — 18 tetor, dhe na ndajnë vetëm 4 ditë nga spektakli i shumëpritur.
E teksa asnjë prej banorëve pjesmarrës nuk dihet zyrtarisht ende, produksioni ka konfirmuar një prej emrave që do të ulet në karrigen e opinionistëve për më shumë se 100 ditë. Bëhet fjalë për gazetarin e njohur Milaim Zeka.
Përkrah gazetarit, në rrjet u përfol se do të ulet një tjetër emër mjaft i njohur për publikun — Einxhel Shkira.
Mirëpo teksa dita ditës pritej konfirmimi, pak para nisjes së spektaklit “Kryefjala” ka bërë të ditur se mes Shkirës dhe drejtores ekzekutive, Olsa Muhameti ka patur një përplasje të fortë.
Nuk dihet saktësisht se çfarë ka ndodhur mes dyshes, apo nëse Shkira do të tërhiqet nga pozicioni i përfolur si opinioniste e BBVK3.
Një reagim publik për lajmin e qarkulluar në rrjet nuk ka ardhur as nga Einxhel dhe as nga Olsa.
lokimagazine
