Gjatë ditëve të nxehta të verës, flokët kanë nevojë për më shumë kujdes për shkak të temperaturave të larta, djersës dhe lagështisë. Një mënyrë e thjeshtë për t’i mbrojtur është t’i mbani sa më shpesh të lëshuar.
Kur flokët qëndrojnë vazhdimisht të lidhur fort, veçanërisht me bishta ose topuzë të shtrënguar, mund të krijohet tension në rrënjë dhe të shtohet rreziku për këputje të fijeve. Lënia e tyre të lirë ndihmon në uljen e këtij tensioni.
Gjithashtu, flokët e lëshuar lejojnë që ajri të qarkullojë më mirë rreth kokës, duke e bërë më të rehatshme qëndrimin në temperatura të larta. Megjithatë, në diell të fortë është e rëndësishme t’i mbroni flokët dhe skalpin, për shembull me kapele ose produkte të përshtatshme.
Ekspertët këshillojnë që gjatë verës të shmangni lidhjet shumë të shtrënguara dhe përdorimin e tepërt të nxehtësisë, në mënyrë që flokët të ruajnë lagështinë dhe të duken më të shëndetshëm.
