Në peizazhet e bukura të Sipos, një qytet finlandez që ndodhet në verilindje të Helsinkit, pacientët nga qendrat lokale të kujdesit shëndetësor shkojnë rregullisht në shëtitje në Parkun Kombëtar Siponkorpi.
Pylli prej 18.5 kilometrash katrorë është afër qytetit dhe sektori shëndetësor i Finlandës po përpiqet ta përdorë atë për të inkurajuar banorët të kalojnë më shumë kohë në natyrë.
Biologia Adela Pajunen projekton aktivitete për pacientët në të ashtuquajturat “Pyjet e Shëndetit”. Ajo beson se ka përfitime të mëdha shëndetësore për njerëzit nga të qenit mes pemëve.
Pothuajse 75 për qind e territorit të Finlandës është e mbuluar me pyje dhe vendi ka qenë një pionier në ekzaminimin e përfitimeve shëndetësore të të qenit në natyrë.
Studiuesit atje besojnë se pylli, i kombinuar me trajtime mjekësore, i ndihmon njerëzit të përballojnë ndjenjat e ankthit, pagjumësisë dhe dhimbjes.
“Njerëzit kënaqen duke kaluar kohë në pyll dhe përfitojnë nga ajo ndjenjë kur nuk mund të shohësh pyllin në njëfarë mënyre. Më pas ndihesh i mbrojtur dhe i fshehur. Këto janë vende ku mund të shërosh plagët e tua,” thotë Pajunen.
Që nga viti 2015, Finlanda ka shtuar pyje në qendrat shëndetësore kombëtare në Hivinci dhe Kajani si pjesë e të ashtuquajturit projekti “Pyjet e Shëndetit”.
Në vitin 2020, projekti mori financim nga nisma e Bashkimit Evropian “GoGreenRoutes”.
