Pak ditë më parë, një koment i Luiz Ejllit në postimin e Armaldo Kllogerit mori mjaft vëmendje.
“Fito me elegancë, humb me dinjitet“, shkroi Armaldo në foton e publikuar në Instagram, ku shihej duke luajtur lojën shah.
Ndërsa në koment, Luizi ia ktheu: “Ose mos luaj fare kur nuk di“.
Komenti i Luizit i referohej lojës së Armaldos në BBV, ku zgjodhi të pozicionohej krah Oltës, çka solli dhe eliminimin e tij nga reality show.
Në këtë postim të Armaldos, vëmendje mori dhe komenti i Arbana Osmanit, e cila replikoi te komenti i Luizit duke qeshur.
Pikërisht për këto komente të Luizit dhe Arbanës, Armaldo Kllogjeri u pyet mbrëmjen e sotme teksa ishte i ftuar në “Më lër të flas”.
Romeo Veshaj iu drejtua Armaldos se në rrjet po përflitet se mes tij dhe Arbanës janë prishur raportet, shkak komenti i kësaj të fundit.
Megjithatë, Armaldo konfirmoi se aludimet nuk janë të vërteta.
Romeo: Trego të vërtetën, a flet me Arbanën pas komentit në postimin tënd?
Armaldo: Me Arbanën flas, po them të vërtetën.
Ndërsa, i pyetur nëse flet me Valbona Memën, pasi thuhet se “i ka vjedhur punën”, Armaldo tha:
“Po flasim. Shume shpejt do takohemi te pime nje kafe”.
