Shërbimet e komunikimit janë restauruar pjesërisht në Gaza, ka thënë një nga kompanitë kryesore të telekomunikacionit në rajon. Enklava e rrethuar ka qenë në një ndërprerje komunikimi për dy ditët e fundit, me shumicën e 2.3 milionë banorëve të saj të shkëputur nga njëri-tjetri dhe nga bota e jashtme.
“Ne dëshirojmë të njoftojmë rivendosjen e pjesshme të shërbimeve të telekomit në zona të ndryshme brenda Rripit të Gazës”, tha Paltel në një postim ne X.
We would like to announce the partial restoration of telecom services in various areas within Gaza Strip. This comes after a limited quantity of fuel was provided through UNRWA to operate our main generators.#KeepGazaConnected
1/2
— Paltel (@Paltelco) November 17, 2023
Kombet e Bashkuara janë detyruar të ndalojnë dërgesat e ushqimeve dhe nevojave të tjera për shkak të ndërprerjeve të energjisë elektrike.
Sulmet po vijojnë ende në Rripin e Gazës, kryesisht pranë spitalit më të madh në vend. Sulmet ajrore nga avionët izraelitë po ndodhin pranë spitalit Shifa që është i tejmbushur me pacientë dhe civilë që kërkojnë strehim, pasi autoritetet dyshojnë se militantët e Hamasit kanë një qendër komanduese aty.
Më herët sot, kabineti i luftës i Izraelit miratoi lejimin e dy kamionëve me karburant në ditë në Gaza për të ndihmuar në plotësimin e nevojave të Kombeve të Bashkuara.
Por, shuma duket të jetë shumë më e vogël se ajo që OKB-ja ka thënë se kërkohet për të furnizuar sistemet e ujit, spitalet dhe kamionët për të ofruar ndihma, pa llogaritur rrjetin e komunikimit.
Paltel tha se shërbimet ishin në gjendje të rifillonin pasi “një sasi e kufizuar karburanti” u sigurua përmes UNRËA për të operuar gjeneratorët e saj kryesorë.