Vetëm pak javë pasi në rrjetet sociale qarkulluan fotografi që ngritën dyshime për një lidhje dashurie mes Rizarta Hoxhës dhe Arbër Çepanit, një deklaratë e fundit e influencueses ka shtuar pikëpyetjet për raportin mes tyre.
Dy personazhet u përfolën për një romancë pasi u fotografuan së bashku në disa vende, ndërsa në disa prej pamjeve shfaqeshin në momente afërsie, madje edhe të kapur për dore.
Megjithëse fotografitë u interpretuan si një konfirmim i lidhjes, as Rizarta dhe as Arbri nuk dhanë një deklaratë publike për natyrën e marrëdhënies së tyre.
Por një postim i publikuar së fundmi nga Rizarta në Instagram duket se tregon se situata në jetën e saj sentimentale ka ndryshuar.
Gjatë një bashkëbisedimi me ndjekësit, dikush e pyeti drejtpërdrejt për jetën e saj të dashurisë.
“Si po shkon jeta sentimentale? Tell us more girlie”, ishte pyetja që iu drejtua.
Rizarta zgjodhi t’i përgjigjej shkurt, por mjaft qartë: “Currently single & not dating”, që në shqip do të thotë: “Aktualisht beqare dhe nuk po dal me askënd”.
Kjo përgjigje ka ngritur dyshime se romanca e përfolur me Arbër Çepanin mund të ketë përfunduar, nëse mes tyre ka pasur vërtet një lidhje.
Megjithatë, Rizarta nuk e përmendi emrin e Arbrit dhe as nuk dha ndonjë shpjegim për arsyet e mundshme të ndarjes.
Deklarata e saj konfirmon vetëm se aktualisht është beqare dhe nuk po frekuenton askënd, ndërsa mbetet e paqartë se çfarë ka ndodhur mes dy personazheve pas fotografive që qarkulluan pak javë më parë.
Nga ana tjetër, Arbër Çepani nuk ka reaguar publikisht lidhur me deklaratën e Rizartës.
