Vetë Shtëpia e Bardhë ka deklaruar se nuk do të ketë konflikte dhe luftë me Iranin.
Kjo deklaratë ka ardhur disa kohë pasi kreu sulme në Jemen ndaj rebelëve Huthi, që mbështeten nga Teherani si masë për të ndaluar sulmet e rebelëve ndaj anijeve në Detin e Kuq.
“Ne nuk dëshirojmë konflikt me Iranin. Nuk dëshirojmë të përshkallëzojmë situatën dhe nuk ka asnjë arsye për përshkallëzim përtej asaj që ka ndodhur gjatë ditëve të fundit”, – tha zëdhënësi i Këshillit të Sigurisë Kombëtare, John Kirby.
Ai shtoi se SHBA nuk e di që Irani mbështet [rebelët] Huthi.
“Ne e dimë se ata po i furnizojnë me raketa dhe dronë dhe armët e njëjta po përdoren për të sulmuar anijet. Ne e kemi bërë shumë të qartë se Irani duhet të ndalë këtë mbështetje”, tha Kirby për MSNBC.
Rebelët Huthi të premten thanë se interesat amerikane dhe britanike tani janë “caqe legjitime”, pas sulmeve ajrore dhe detare të SHBA-së dhe Britanisë ndaj rebelëve në Jemen një ditë më parë. Presidenti amerikan, Joe Biden, ka thënë se sulmet ndaj rebelëve jemenas synonin që t’i jepnin fund aftësisë së tyre për të sulmuar anijet tregtare në Detin e Kuq.
Një avion luftarak Typhoon i Forcës Ajrore Mbretërore britanike duke u nisur për t’iu bashkuar koalicionit të udhëhequr nga Shtetet e Bashkuara të Amerikës, më 12 janar 2024.
Një avion luftarak Typhoon i Forcës Ajrore Mbretërore britanike duke u nisur për t’iu bashkuar koalicionit të udhëhequr nga Shtetet e Bashkuara të Amerikës, më 12 janar 2024.
A ju ndihmoi ky artikull?PoJo
