Një shpërthim ka përfshirë një bar në qytetin alpin të skive, Crans-Montana në Zvicër, duke shkaktuar 10 të vdekur dhe disa të plagosur, njoftoi policia zvicerane herët të enjten.
Rreth 100 persona ndodheshin në barin Le Constellation në momentin e shpërthimit, ndërsa festonin Vitin e Ri. “Ka pasur një shpërthim me origjinë të panjohur,” tha për AFP zëdhënësi i policisë në kantonin Valais, Gaetan Lathion. “Ka disa të plagosur dhe dhjetë viktima.”
Shpërthimi ndodhi rreth orës 1:30 të mëngjesit lokale (00:30 GMT). Zona është mbyllur plotësisht, ndërsa mbi Crans-Montana është vendosur një zonë ndalimi fluturimi. Shkaku i shpërthimit mbetet i paqartë.
Pamjet e publikuara nga mediat zvicerane treguan ndërtesën në flakë dhe shërbimet e emergjencës pranë saj. Një qendër pritjeje dhe linjë ndihme janë ngritur për familjet e prekura.
Crans-Montana, një destinacion i njohur ndërkombëtarisht për skijim, ndodhet në distriktin Sierre të kantonit Valais, rreth 40 km nga Matterhorn-
/tiranapost
