Khloé Kardashian arriti te humbase 36 kilogramë pasi solli në jetë vajzën e saj True në 2018. Nuk ishte e lehte, por as e pamundur. Ylli i “Kardashians” tha se ndryshimet në stilin e jetesës e bënë më të lehtë humbjen e kilogramëve. “Unë hoqa të gjitha pijet e gazuara. Pak nga pak fillova t`i hiqja disa gjëra,” tha ajo gjatë një paraqitjeje në episodin e së martës në podcastin “She MD”.
Sipas Daily Mail, Kardashian tani peshon vetëm 55 kilogramë. Kardashian pranoi se dieta dhe humbja e peshës nuk ishin kurrë të lehta për të, pasi ajo ka qenë mbipeshë gjatë jetës së saj. Bashkëthemeluesja e “Good American” gjithashtu kalon në palestër pesë ditë në javë duke bërë intervale kardio me ngritjen e peshave.
“Tani që jam mirë për sa i përket trupit, që më pëlqen, ha çfarë të dua. Por për shkak se truri im është kaq i stërvitur, unë nuk dëshiroj më të haj as gjysmën e mbeturinave që haja më parë”, shpjegoi ajo.
bal
