Trileri i shumëpritur i Netflix, i titulluar paraprakisht “RIP” dhe me aktorë Ben Affleck dhe Matt Damon, ka pësuar një pengesë të papritur: ndarjen e Affleck nga Jennifer Lopez. Sipas një burimi të brendshëm, jeta personale e yllit ka ndikuar ndjeshëm në ecurinë e filmit, i cili gjithashtu shfaq Teyana Taylor dhe Sasha Calle nën drejtimin e Joe Carnahan.
“Me divorcin e Benit dhe gjithçka që po ndodh në jetën e tij personale, prodhimi i filmit është ngadalësuar dhe nuk ka një datë të publikimit për momentin”, tregon burimi. Edhe pse projekti mbetet aktiv, “gjërat thjesht nuk kanë ecur aq shpejt sa ishin planifikuar fillimisht.”
Affleck është mbështetur shumë te Damon gjatë kësaj periudhe, me Damon që u ngrit si një mik dhe bashkëpunëtor i ngushtë.
Fansat kanë pritshmëri të mëdha për këtë projekt të ri, pasi historia e gjatë e Affleck dhe Damon së bashku përfshin shumë filma të mirënjohur, duke përfshirë “Good Ëill Hunting” fitues të Oscarit. Por, pavarësisht nga emocionet që rrethojnë “RIP”, të brendshëm sugjerojnë se jeta personale e Affleck mund të vazhdojë të ndikojë në ecurinë e saj.
Përfaqësuesit e Affleck, Damon dhe Netflix nuk pranuan të komentojnë statusin aktual të prodhimit.
bal
