Shenjat dhe njollat më së shpeshti shfaqen në rajonin e fytyrës, hundës, ballit, duarve, shpinës dhe dekoltesë.
Më shpesh shfaqen te personat me lëkurë të shkëlqyer, ndërkaq më rrallë te zeshkanët.
Njollat e diellit janë rezultati i një dermatiti të shkaktuar nga rrezatimi intensiv dhe pa mbrojtjen e duhur në lëkurë. Nëse në shumicën e rasteve, skuqjet dhe djegiet e lëkurës zhduken me kalimin e kohës, njollat me ngjyrë të errët që mbeten aty, janë afatgjata.
Një shkak tjetër i shfaqjes së njollave kafe vjen nga çrregullimet hormonale. Po kështu, edhe përdorimi i kremrave dhe i parfumeve fotosensibilizuese ndikon drejtpërsëdrejti në formimin e tyre.
Përpara se të filloni një vit tjetër që të ekspozoheni në diell, është e rëndësishme t’i zbehni, apo më mirë t’i eliminoni këto njolla, derisa ato mos të bëhen më evidente nga nxirja diellore.
Lexo po ashtuSi të shpëtosh nga njollat e diellit në lëkurë
Duke u këshilluar me dermatologun, përdorni kremra të ndryshëm kundër diellit me faktorë mbrojtës. Pasi njollat formohen, pigmenti depozitohet pikërisht si një tatuazh.
Strategjia më e mirë për tu përdorur është aplikimi i kremrave ose xhelit specifik me efekt ‘peeling’.
Një teknikë pak e njohur por shumë efikase është dermoabrazioni, i cili konsiston në heqjen e shtresave sipërfaqësore të lëkurës me një letër specifike me silikon.
Gjëja më e mirë mbetet që të kujdeseni për çdo centimetër të trupit tuaj, mbi të gjitha në verë dhe në mënyrë natyrale, duke shmangur orët e pikut.
