Historikisht është thënë se 10,000 hapa në ditë është numri “magjik” që nevojitet për të qëndruar në formë dhe të shëndetshëm, por një studim i ri tregon se më pak se 5,000 mund të jenë të mjaftueshëm për të qëndruar të shëndetshëm.
Analiza e më shumë se 226,000 njerëzve në mbarë botën tregoi se 4,000 ishin të mjaftueshme për të filluar zvogëlimin e rrezikut të vdekjes së parakohshme për çdo shkak. Pak më shumë se 2300 janë të mjaftueshme për të patur sa më shumë përfitime për shëndetin e zemrës dhe të enëve të gjakut.
“Sa më shumë të bëni, aq më shumë përfitime shëndetësore do të shihni”, thanë studiuesit. Çdo 1000 hapa shtesë përtej 4000 ul rrezikun e vdekjes së hershme me 15% deri në 20000 hapa. Ekipi nga Universiteti Mjekësor i Lodz-it në Poloni dhe Shkolla e Mjekësisë e Universitetit Johns Hopkins në SHBA zbuloi se përfitimet e ecjes zbatoheshin për të gjitha gjinitë dhe moshat, pavarësisht se ku jetonin.
Megjithatë, përfitimet më të mëdha u panë tek moshat nën 60 vjeç. Sipas të dhënave të Organizatës Botërore të Shëndetësisë, aktiviteti fizik i pamjaftueshëm është përgjegjës për 3.2 milionë vdekje çdo vit, shkaku i katërt më i shpeshtë në mbarë botën.
Burimi: BBC
