Aktori Alec Baldwin u sulmua verbalisht nga protestuesit anti-izraelit të hënën në mbrëmje në Nju Jork, duke iu përgjigjur njërit prej tyre me sharje, përpara se të shoqërohej nga policia.
Baldwin, 56 vjeç, u pa mes turmës së protestuesve pro-palestinezë në Stacionin e Pensilvanisë dhe Grand Central Terminal në Manhattan.
Në pamjet e regjistruara nga rrjetet amerikane, protestuesit rrethuan aktorin, duke kërkuar të dinë nëse ai mbështet palestinezët apo Izraelin. “Unë mbështes paqen për Gazën,” u përgjigj Baldwin, por protestuesit u tërbuan, filluan ta shanin dhe u përpoqën t’i afroheshin. “Mbylle gojën! Nuk ju vjen turp fare?‘ një nga protestuesit i bërtiti.
Një tjetër video e postuar në rrjetet sociale tregon një protestues duke i shtyrë celularin në fytyrë aktorit, duke i kërkuar atij të përgjigjet nëse e mbështet Izraelin.
“Sepse jam në Hollywood? Ju bëni pyetje të kota. Më bëj një pyetje të zgjuar”, – u përgjigj Baldwin. E teksa po largohej i shoqëruar nga efektivë policie ka bërtitur “mbylle gojën”. “Ndaloni së bërtituri! Ndaloni së bërtituri” vazhdoi ai ndërsa protestuesit vazhdonin ta rrethonin. “Unë dua paqe për Gazën gjithsesi,” tha ai./abcnews.al
Pro-Palestinian protestor to actor Alec Baldwin “You work in Hollywood. So do you condemn Israel?” The antisemitism is dripping from the question. No wonder Baldwin lost his temper. pic.twitter.com/ERAcnTIBnB
— Heidi Bachram 🎗️ (@HeidiBachram) December 19, 2023
