Marc-André ter Stegen pësoi një dëmtim të rëndë në gjurin e djathtë gjatë ndeshjes kundër Villarreal, që mund ta mbajë jashtë fushave për pjesën e mbetur të sezonit 2024/25.
Ky dëmtim, që lidhet me tendinën e patelës, mund ta lërë atë jashtë për deri në tetë muaj. Për shkak të kësaj situate, Barcelona është në kërkim të një portieri zëvendësues.
Një nga emrat kryesorë që po përflitet është Keylor Navas, ish-portieri i Real Madrid dhe PSG, i cili aktualisht është pa ekip pas përfundimit të kontratës me klubin francez.
Navas, 37 vjeç, është një opsion me përvojë të madhe në La Liga dhe mund të jetë një zgjidhje e qëndrueshme për të mbushur boshllëkun e lënë nga Ter Stegen.
Megjithatë, ka shqetësime për mungesën e tij të aktivizimit së fundmi, pasi nuk ka luajtur shumë gjatë vitit të fundit.
Opsionet e tjera përfshijnë përdorimin e portierit aktual rezervë, Iñaki Peña, ose eksplorimin e portierëve të tjerë të lirë si Edgar Badía ose Tomás Vaclík.
Theksojmë që ekipit katalanas i lejohet të blejë vetëm portier që janë pa kontratë, ose duhet të presin deri në janar.
lokimagazine
