Detaje të reja kanë dalë nga hetimet për vrasjen e 38-vjeçares skoceze Elizabeth, trupi i së cilës u gjet brenda një valixheje në zonën e Kypselit, në Athinë, në muajin korrik.
Në qendër të hetimit është 26-vjeçari afgan Sharif Ahmadzai, i cili ndodhet në paraburgim, ndërsa dëshmia e bashkëshortes së tij, Alaina, po konsiderohet një element i rëndësishëm për zbardhjen e ngjarjes.Sipas mediave britanike, Alaina dhe bashkëshorti i saj ishin njohur me Elizabeth gjatë punës vullnetare në një organizatë që ndihmonte refugjatët në Athinë. Ajo e përshkroi 38-vjeçaren si një person të sjellshëm dhe me natyrë të mirë.
NEWS Viktima në Gjakovë është xhaxhai i ish-banores së Big Brother-it, Elijona BinakajTakimi i fundit mes tyre ndodhi më 12 korrik, pak ditë para kohës kur hetuesit dyshojnë se Elizabeth është vrarë. Sipas dëshmisë së Alainës, Elizabeth i kishte ftuar për një shëtitje dhe më pas Ahmadzai iu bashkua atyre. Pas largimit të Alainës, të dy kanë vijuar komunikimin.
Elizabeth i kishte kërkuar 26-vjeçarit ta ndihmonte në shpërndarjen e Biblave. Më 15 korrik, Alaina pa një mesazh të dërguar nga Elizabeth për bashkëshortin e saj, ku e falënderonte për gatishmërinë për ta shoqëruar.Po atë natë, Alaina u zgjua dhe vuri re se bashkëshorti i saj ishte larguar nga banesa pa e njoftuar. Ajo kontrolloi vendndodhjen e telefonit të tij dhe pa se ai ndodhej pranë apartamentit në rrugën Rethymno, ku dyshohet se kishte qenë Elizabeth.
NEWS E rëndë/ Shoku i futet në shtëpi, dhe vret prindërit dhe motrën e mirur të 20-vjeçaritKur e pyeti për arsyen e pranisë atje, Ahmadzai i tha se kishte dalë për të parë një ndeshje futbolli në një kafene dhe kishte hyrë në apartament vetëm për të përdorur banjën. Sipas hetimeve, vetë i dyshuari ka pranuar se kishte shkuar në banesën e Elizabeth më 15 korrik.
Fillimisht, Alaina pranoi shpjegimin e bashkëshortit dhe nuk kishte dyshime.Ajo tregon se ai vazhdoi jetën normalisht në javët pasuese. Por situata ndryshoi pasi në media u publikua lajmi për gjetjen e trupit të një gruaje brenda një valixheje në Kypseli.
NEWS Pentagoni sugjeron që ndaj Spanjës të merret vendimi i rëndëMë 29 korrik, Alaina tentoi të kontaktonte Elizabeth përmes mesazheve, por përgjigjet që mori i dukën të pazakonta. Sipas saj, mënyra e shkrimit dhe përdorimi i emoji-ve nuk përputheshin me stilin e Elizabeth.
Pas identifikimit zyrtar të viktimës, Alaina u largua nga banesa e saj nga frika dhe kaloi natën jashtë shtëpisë.
Hetimet për vrasjen vijojnë, ndërsa autoritetet greke po përpiqen të zbardhin plotësisht rrethanat e ngjarjes dhe rolin e 26-vjeçarit Sharif Ahmadzai në këtë krim.
