UEFA ka gjobitur Federatën Shqiptare të Futbollit pas problematikave të shfaqura në ndeshjen e luajtur mes Shqipërisë dhe Moldavisë në “Arena Kombëtare” në qershor të këtij viti.
Lajmin e ka bërë të ditur vetë FSHF–ja në faqen e saj zyrtare se ku mësohet se gjoba është 21,250 euro.
Penalizimi financiar ka ardhur nga problematika e shkaktuar nga grupimi i tifozëve “Tirona Fanatics”, që ndezën flakadanë gjatë ndeshjes, duke shkaktuar kështu trazira.
Në njoftimin e FSHF ata kanë bërë thirrje që të gjitha grupimeve dhe tifozëve shqiptarë që të jenë më të përgjegjshëm dhe të shmangin krijimin e incidenteve që mund të sjellin penalitete financiare dhe jo vetëm për Kombëtaren dhe futbollin shqiptar.
