Me këngën e tyre “Teresa & Maria”, ukrainasja Alyona Alyona dhe Jerry Heil morën gjithsej 453 pikë, duke siguruar vendin e tretë në finalet e Eurovizionit në Malmo të Suedisë më 12 maj.
Zvicra ka fituar garën e 68-të të Eurovizionit me këngën “The Code” të realizuar nga Nemo, përcjell Bota sot.
Dy artistet ukrainase thanë se kënga e tyre i kushtohet grave të forta që këmbëngulin përballë vështirësive. “Ne po flasim për rëndësinë e unitetit,” i thanë ata për gazetën ukrainase Rubryka.
“Edhe pse, si gra ukrainase, ne kemi shkruar këtë këngë për Ukrainën, të gjithë në botë mund ta shohin veten në tekst.”
Alyona Alyona dhe Jerry Heil, emrat e vërtetë të të cilëve janë përkatësisht Aliona Savranenko dhe Yana Shemaieva, janë bërë artistë të njohur në Ukrainë vitet e fundit.
Shemaieva është një këngëtare, tekstshkruese dhe YouTuber e njohur, ndërsa Savranenko është përshkruar si “fillimi i ri i repit të Ukrainës”. Ata filluan të performojnë së bashku pas fillimit të pushtimit rus në shkallë të gjerë në 2022.
Ukraina ka marrë pjesë në Eurovizion 18 herë që nga hyrja e saj e parë në 2003, duke u bërë vendi i parë jashtë “Big Five” (Franca, Gjermania, Spanja, Britania e Madhe dhe Franca) që kualifikohet çdo herë në finale.
Artistët ukrainas kanë fituar tre herë Eurovizionin: Ruslana në 2004 me “Wild Dance”, Jamala në 2016 me “1944” dhe Kalush Orchestra në 2022 me “Stefania”.
