Edhe pse ishin disa postime të saj që nisën një zinxhir ngjarjesh të ndjekura me interes të madh nga publiku, Dafina Zeqiri kishte dalë së fundi nga vëmendja lidhur me raportin me Ledri Vulën dhe Sara Hoxhën.
Por ishte vetë reperi që i hodhi sërish mbi të “dritat e prozhektorëve” përmes një postimi të bërë së fundi në Instastory, ku shihet teksa i ka hedhur krahun në qafë Dj Geek, ish partnerit të këngëtares.
Postimi u interpretua ndër të tjera edhe si një ‘thumb’ për artisten, teksa mendohet se dy djemtë ndoshta janë duke sjellë një bashkëpunim të tyre të ri. Pas ndarjes nga Dafina, Dj Geek shkëputi cdo lloj marrëdhënieje me të, përfshirë ato të punës. Thuher se fill pas vitit të ri, në muajin janar artistja dhe partneri i saj i ri Kreshnik Gjergji do t’i thonë “po” njëri-tjetrit në një ceremoni private. Lajmi është bërë i ditur nga “Prive” qe konfirmoi se numri i të ftuarve në dasmën e Dafinës nuk do t’i kalojë 100 persona.
