Vajza e këngëtares së njohur Manjola Nallbani, Megi Tona, ka botuar librin e saj të parë, “Mendja kurioze”. Libri është shkruar në gjuhën angleze dhe mami Manjola nuk mund të ishte më e lumtur se kaq, pasi sheh që vajza e saj gjithë dijen që ka marrë ndër vite e ka hedhur tashmë në një libër me informacione tejet të vlefshme. Edhe pse fusha e saj profesionale është financa, dashuria e saj për librat si lexuese ka qenë pjesë e pandarë e rrugëtimit të saj dhe tashmë vjen edhe si autore me një libër të sajin.
“Jeta ime @megitona ti ke qenë që fëmijë e deri me sot si titulli librit tënd ‘Mendja kurioze’ që s’ke rreshtur asnjëherë duke studiuar e lexuar, për të ditur më shumë e për të njohur më shumë në çdo fushë! Asnjëherë për t’u dukur! Me gjithë çfarë ke arritur, gjithmonë me një modesti të jashtëzakonshme që është e rrallë në ditët e sotme! Në këtë rast, unë nuk i them këto gjëra se je vajza ime, po sepse ndihem e lumtur që ti përveç asaj që je për mua e familjen- një bekim; sot çmoj faktin që gjithë dijen tënde e ke hedhur në këtë libër me informacione kaq të vlefshme, për t’ju shërbyer të tërë atyre si ti, që janë të bekuar me dëshirën për ta pasuruar mendjen! Suksese fryma ime”, ka shkruar ikona e muzikës Manjola Nallbani, teksa më tej në postimin e saj gjejmë përshkrimin që vajza e saj Megi Tona ka bërë për këtë libër.
“‘Curious minds’nga Megi Tona
Gjithmonë e kam përqafuar budallallëkun tim dhe tani vendosa ta çoj atë në një nivel tjetër dhe të botoj librin tim “Mendjet kurioze”!
Siç e dini disa prej jush, unë kam qenë gjithmonë lexuese, jo shkrimtare, por ndjeva se kisha diçka që ia vlente të ndaja dhe kështu vendosa të bëhem autore për një herë.
Sfondi dhe karriera ime është në financë, por gjithmonë kam patur një kuriozitet të vërtetë për të mësuar dhe edukuar veten përtej financave – nga historia, natyra, arti, hapësira dhe gjithçka në mes. Që kur isha studente, sa herë që mësoja diçka të re, qoftë përmes udhëtimit, leximit apo përvojave të tjera, e shkruaja në një dokument Word, i cili rritej me kalimin e kohës. Këtë verë, ndërsa po e lexoja, kuptova se kishte filluar të ndihej si një libër mjaft interesant “fun facts”, jo aq i ndryshëm nga ata që kisha parë në Amazon ose në libraritë këtu në Londër. Kështu që vendosa ta kuroja, të dizajnoja një kopertinë dhe ta publikoja për ata që kënaqen të mësojnë po aq sa unë (sado i vogël të jetë ai komunitet).
Brenda do të gjeni mbi 400 fakte argëtuese për universin tonë, historinë, natyrën, artin, shkencën, etj. Më ka pëlqyer t’i mbledh këto njohuri gjatë viteve, dhe më pas t’i kuroj dhe t’i bashkoj për këtë libër, i cili është një projekt i vogël pasioni për të cilin jam vërtet krenare.
Mund të gjeni si versionin Kindle ashtu edhe versionin me kapak të letrës në Amazon!”.
Galeria fotografike
bal
