Valerin ditëlindja e 38 e gjeti në fermë duke festuar me bashkëudhëtarët, por kjo datë që duhej të ishte festë, prej kohësh nuk është më e tillë. Në një rrëfim emocionues në plevicë, Valeri ‘hapi zemrën’ duke folur për humbjen e të vëllait, mungesën e të cilit e ndjeu edhe në këtë përvjetor.
“Kam pas festuar gjithmonë, deri në një moment, pas atij momenti s’ka ndodhur të festoj më. Kam festuar gjithmonë kur kisha vëllain, e festonim njëherësh, pavarësisht se e kishte muajin tjetër, me 25. Ishim mësuar të festonim gjithmonë bashkë. Qëkur nuk është më ai, nuk kam festuar më”, tha ai mes lotësh.
Rrëfimi i ndjerë ka përlotur edhe të tjerë fermerë që e dëgjuan përmes klipit që përmblodhi edhe momentet e festës. Nga ana tjetër, lotët nuk kanë munguar as në studio, ku edhe Fjoralba është përlotur.
