Kanë kaluar katër vjet nga rrëzimi tragjik i helikopterit që mori jetën e legjendës së NBA-së Kobe Bryant dhe vajzës së tij Gianna Bryant, megjithatë kujtimet e tyre mbeten të gjalla në zemrat e shumë njerëzve.
Në ditëlindjen e 18-të të Gianna-s, Vanessa Bryant, e veja e Kobe, ndau një dedikim në Instagram për të nderuar vajzën e saj të ndjerë.
Në një video prekëse të shpërndarë në Instagram, Vanessa përkujtoi ditëlindjen e Gianna-s, duke shprehur dashurinë e saj dhe ndjenjën e thellë të mungesës.
“Gëzuar ditëlindjen për vajzën time të mrekullueshme, Gigi! Unë të dua. Më mungon. Jam shumë krenare për ty,” shkroi Vanessa në mbishkrim, duke nënvizuar momentet historike që Gianna do të kishte arritur në vitin 2024, duke përfshirë diplomimin e shkollës së mesme dhe fillimin e kolegjit.
