Satelitët “Starlink” të Elon Musk kanë kaluar sërish në vendin tonë. Nga pamjet e filmuara nga Tirana, shihen satelitët të cilët iu ngjasojnë dritave në formë vargu.
Starlink është emri informal për projektin Space X të Musk i cili ka për qëllim të krijojë një konstelacion satelitësh në pjesën e ulët të orbitës për të përmirësuar shërbimin e internetit. Kujtojmë se satelitët e Elon Musk janë filmuar më herët edhe në disa qytete të tjera të Shqipërisë.
Kompania e famshme hapësinore e Elon Musk thuhet se po transferon asetet e Starlink në një filial tërësisht në pronësi që përfundimisht do të shkëputej në IPO. Starlink pritet të bëhet biznesi më gjenerues i të ardhurave i SpaceX, produkti i tij është tashmë i disponueshëm në shtatë kontinente dhe i miratuar në më shumë se 60 vende, të cilat tërhoqën më shumë se 2 milionë abonentë.
SpaceX thuhet se pret që shitjet e satelitëve të arrijnë në 10 miliardë dollarë vitin e ardhshëm, me potencialin për të grumbulluar 30 miliardë dollarë në vit.
Në përgjithësi, kompania hapësinore është në rrugën e duhur për ta përfunduar këtë vit me 9 miliardë dollarë të ardhura, me shitjet e parashikuara në 15 miliardë dollarë në vitin 2024, sipas Bloomberg .
