23
Autoritetet në SHBA kanë rihapur çështjen e famshme të dy vëllezërve Eric dhe Lyle Menendez, të dënuar përjetë për vrasjen e prindërve të tyre, në vitin 1989.
Dy vëllezërit kishin vrarë babanë e tyre, Jose, dhe nënën e tyre, Kitty, në vilën e tyre në Beverly Hills, në një nga rastet më të rëndësishme në dekadat e fundit në SHBA. Fillimisht, autoritetet vlerësuan se vrasja erdhi pasi ata e kishin planifikuar krimin për të marrë pasurinë e majme të babait të tyre.
Rasti ka qenë sërish në qendër të vëmendjes javët e fundit për shkak të ndikimit të madh të mini-serialit përkatës dhe dokumentarit gjerësisht të njohur. Prokurori George Gascon tha se kishte një “detyrim moral” për të shqyrtuar provat e dhëna nga dy vëllezërit vitin e kaluar që mbështesin pretendimet e tyre se ata janë abuzuar seksualisht nga babai i tyre dhe kanë vepruar në vetëmbrojtje. Midis këtyre artikujve është një letër nga Eric Menendez drejtuar kushëririt të tij, në të cilën përmendet gjerësisht abuzimet.
Kujtohet se dy vëllezërit u dënuan në shkallë të parë dhe në shkallë të dytë me burgim të përjetshëm pa kusht. Rikujtojmë se “Monsters: The Lyle and Erik Menendez Story” është publikuar në Netflix. Seriali, i krijuar nga Ryan Murphy dhe Ian Brennan si vazhdim i ‘Monster: The Jeffrey Dahmer Story’ është sezoni i dytë i serialit të antologjisë së vërtetë të krimit, që do të ndjekë dënimin e vëllezërve Menendez në 1996 për vrasjet e prindërve të tyre.
Nicolas Alexander Chavez dhe Cooper Koch do të luajnë në serial si Lyle dhe Eric Menendez, ndërsa Jose dhe Mary Louise “Kitty” Menendez do të interpretohen nga Javier Bardem dhe Chloe Sevigny. Kasti përfshin gjithashtu Nathan Lane si Dominic Dunne, Ari Graynor si Leslie Abramson, Lelsy Grossman si Judalon Smith, ndër të tjera.
ks
