Ministri izraelit i Trashëgimisë Amichai Eliyahu ka thënë se në luftën e vazhdueshme me grupin terrorist Hamas, “një nga opsionet e mundshme” për Izraelin është hedhja e një bombe bërthamore në Rripin e Gazës.
Një anëtar i partisë Otzma Yehudit në Izrael, Eliyahu i bëri këto deklarata gjatë një interviste në radio.
Menjëherë më pas, kryemninistri izraelit, Benjamin Netanyahu kritikoi Eliyahun për komentet e tij, duke thënë se ato “nuk bazohen në realitet”.
“Izraeli dhe IDF po veprojnë në përputhje me standardet më të larta të ligjit ndërkombëtar për të shmangur dëmtimin e të pafajshmëve. Ne do të vazhdojmë ta bëjmë këtë deri në fitoren tonë,” shkroi kryeministri i Izraelit në X.
Udhëheqësi i opozitës izraelite dhe ish-kryeministri izraelit Yair Lapid kritikoi gjithashtu Eliyahun, duke bërë thirrje për shkarkimin e “ministrit të papërgjegjshëm”.
