![](https://i0.wp.com/portalifiks.com/wp-content/uploads/2023/12/kaosi-ne-kuvend-rama-veprime-te-tilla-i-bejne-njerezit-kur-humbin-kontrollin_656e07b87b4be.jpeg?resize=581%2C362&ssl=1)
Kryeministri Edi Rama nga Shkodra ka komentuar dhe tensionet e krijuara paraditen e kësaj të hëne në seancën plenare nga deputetët e opozitës.
Gjatë fjalës së tij në Asamblenë e Zgjeruar të Partisë Socialiste, Rama tha se parlamenti është marrë “peng” nga një person i kërkuar nga drejtësia, referuar ish-kryeministrit Sali Berisha. Sipas kryeministrit, këto akte i bëjnë ata persona, të cilët kanë probleme me drejtësinë dhe nuk u intereson halli i atyre që i kanë votuar.
“Në parlament është një hall tjetër shumë i madh i dikujt, thonë, por nuk është vetëm njëri, por janë disa që kanë probleme me drejtësinë dhe që e kanë marrë peng parlamentin me akte që zakonisht i bëjnë njerëzit kur dalin nga kontrolli”, tha ai.
Paraditen e kësaj të hëne seanca plenare zgjati vetëm 14 minuta. Grupi i Sali Berishës dhe Gazment Bardhi përsëritën të njëjtin skenar duke krijuar kaos në sallën e Kuvendit.
LEXO EDHE: FOTOLAJM/ Flamur Noka përjashtohet nga seanca, tentoi t’i vinte zjarrin Parlamentit
Ndërkohë, për dy deputetët e Rithemelimit, Flamur Noka dhe Albana Vokshi, do të referohen materiale në SPAK, pasi ndezën tymuese dhe u vendosën flakën letrave me të ciat donin që të digjnin karrgiet e mbledhura pirg para foltores. Ndaj Nokës dhe Vokshit, janë ngritur dy akuza, “Shkatërrimi i pronës me zjarr” dhe “Shkatërrimi i pronës me mjete të tjera”.