Një avion i kompanisë Turkish Airlines me 267 pasagjerë në bord u përplas me një strukturë metalike radari në aeroportin e Antalias në Turqi, duke pësuar dëmtime në krah dhe në një pjesë të trupit të mjetit fluturues.
Sipas raportimeve, pas përplasjes u aktivizuan maskat e oksigjenit në kabinë, ndërsa u hapën edhe ndarëset e bagazheve mbi sedilje. Për arsye sigurie, të gjithë pasagjerët u evakuuan menjëherë nga avioni.
Pamjet nga vendngjarja tregojnë dëmtime të konsiderueshme në njërin krah të avionit, si dhe rrëzimin në pistë të strukturës së madhe metalike ku ndodhej sistemi i radarit.
Një pasagjere deklaroi se pas uljes së avionit dëgjoi një zhurmë të fortë dhe vuri re se një pjesë ishte shkëputur nga mjeti fluturues. Ndërsa një tjetër udhëtar e përshkroi momentin e përplasjes si “të frikshëm”.
Në vendngjarje mbërritën menjëherë ekipet e emergjencës dhe zjarrfikësit për të garantuar sigurinë e pasagjerëve dhe për të kontrolluar situatën.
Sipas informacioneve paraprake, dyshohet se krahu i avionit preku antenën metalike, e cila më pas u rrëzua mbi trupin e avionit. Një person raportohet se ka mbetur i lënduar.
In Turkey, a plane clipped a mast with its wing at Antalya Airport
There were 267 passengers on board, all of whom were evacuated. According to the airline, one person suffered minor injuries.
Passengers said that after the impact, oxygen masks dropped inside the cabin and one… pic.twitter.com/vbqOBKUcWv
— NEXTA (@nexta_tv) June 12, 2026
