Arjan Konomi ka reaguar sërish kundër Top Channel dhe emisionit të humorit “Portokalli”, këtë herë pas një deklarate të Agron Llakajt lidhur me protestat studentore që po zhvillohen në Tiranë.
Përmes një videoje të publikuar sot në Instagram, Konomi ka deklaruar dhe akuzuar televizionin dhe emisionin se kanë ndikuar drejtpërdrejt në nisjen e revoltës studentore, duke iu referuar një skeçi të transmetuar më 16 tetor.
“Dje në darkë ishte Portokallia. Kush e pa? Se unë isha në protestë. Po s’e ka parë njeri, se asnjë publik në sallë s’kishte”, shprehet ai në fillim të videos, duke ironizuar audiencën e emisionit.
Sipas Konomit, skeçi i transmetuar më 16 tetor ishte një nga arsyet kryesore që nxiti reagimin e studentëve dhe protestat që pasuan.
“Top Channel bën atë që thotë një shprehje popullore: U përpoq të lajë mutin me shurrë dje. Pasi u bë shkaktar skeçi i Portokallisë dhe Top Channel që në 16 tetor shkaktuan lindjen e kësaj revolte studentore në Shqipëri. Top Channel dhe Portokallia ishin shkaktarët kryesorë që e ndezën këtë”, deklaron ai.
https://lokimagazine.com/wp-content/uploads/2026/10/SaveClip.App_AQOp2ov5QS7avabj-4sZbqvCYb7D5f8L4wUDO22kfxL6SWRCdT7GCfF2SVJAugzE9kMBdDAEWu2H9at4P5lsHbxMFIofCWWtthZNvfI.mp4
Konomi thekson se protesta nisi menjëherë pas transmetimit të skeçit dhe kritikon televizionin për mungesën e një kërkimfaljeje.
“Skeçi ishte në 16 tetor, sot jemi në ditën e 13-të të protestës. Protesta nisi menjëherë pas atij transmetimi. As falje s’kanë kërkuar. U përpoqën ta shpjegonin që ishte satirë”, shton ai.
Në vijim të videos, Konomi ka publikuar një fragment nga emisioni i mbrëmshëm “Portokalli”, ku Agron Llakaj u drejtohej studentëve me thirrjen që të mos dëmtonin Tiranën gjatë protestave, duke argumentuar se hapësirat dhe pasuria publike u përkasin vetë qytetarëve.
Por pikërisht kjo deklaratë ka sjellë një tjetër reagim kritik nga Konomi, i cili e ka cilësuar fjalimin si një përpjekje për të ndikuar në mënyrën se si publiku i sheh protestat.
Ai ka bërë edhe një krahasim me periudhën e diktaturës së Enver Hoxhës, kur, sipas tij, qytetarëve u thuhej se gjithçka ishte pronë e popullit, ndërkohë që realiteti ishte ndryshe.
“Përsëri po manipulohet situata nëpërmjet këtij fjalimi, që dhe vetë Agroni nuk besonte në ato që thoshte”, përfundon Konomi.
