Lajme

Deputeti i VV-së reagon pas arrestimit të ish-ministrit Haraqija: Kujton deklaratën e tij gjatë kohës sa ishte në detyrë

Deputeti i Lëvizjes Vetëvendosje, Armend Baloku, ka reaguar pas arrestimit të ish-ministrit të Kulturës, Haraqija.

Në një postim, Baloku ka rikujtuar një deklaratë të Haraqijas nga koha kur ishte ministër: “I kam harxhuar paratë e babës, e nuk po i harxhoj paratë e shtetit”.

Ai ka kritikuar faktin se, pavarësisht kësaj deklarate, Haracia kishte vazhduar të qëndronte në postin e ministrit.

Në fund, Baloku ka vënë në pah rëndësinë e njerëzve që zgjedhim dhe rrethit politik që ndërtojmë, duke thënë se ata tregojnë shumë për standardet dhe vlerat që përfaqësojmë.

Postimi i plotë:

Para 22 vitesh, në kohën kur Kosova konsiderohej e çliruar, ish-ministri Haracia u emërua ministër i Kulturës në shtetin më të ri. Dje, ai u arrestua.

Por ajo që mbetet domethënëse është një deklaratë e tij publike gjatë kohës sa ishte ministër: “I kam harxhuar paratë e babës, e nuk po i harxhoj paratë e shtetit.”

E kishte thënë publikisht dhe, megjithatë, kishte vazhduar të qëndronte në postin e ministrit pa asnjë problem. Ministri i partisë së “akademikëve”!

Shikojini miqtë dhe bashkëpunëtorët e tij në politikë. Aty kuptohet shumëçka: rrethi, bindjet, mendësia dhe angazhimet e tyre.

Në fund, njerëzit që zgjedhim dhe rrethi që ndërtojmë tregojnë shumë për standardet dhe vlerat që përfaqësojmë.

Të Ngjashme