Miqësia dhe bashkëpunimi mes Dua Lipës dhe Donatela Versaçes duket ka arritur në kulm. Ylli i muzikës Pop me origjinë shqiptare publikoi në Instagramin e saj këto pamje nga sfilata e javës së kaluar në Kanë.
Dua Lipa dhe drejtuesja e një prej shtëpive më prestigjioze të modës në botë u shfaqën përdore në sfilatë, një veprim të cilin 27-vjeçarja shqiptare e ka pagëzuar në një postim në Instagramin e saj me emrin Duatella, bashkim i emrave të tyre.
Në këtë sfilatë u paraqit një koleksion i veçantë veshjesh të titulluar “La Vakanca” që mban bashkëautorësinë, krahas Donatela Versaçes edhe të Dua Lipës. Ky koleksion shfaq për të parën herë edhe talentin e 27-vjeçares si stiliste.
