Zëvendëskryeministri i parë dhe ministri i Punëve të Jashtme dhe Diasporës, Glauk Konjufca, është takuar në Nju Jork me ministrin e Jashtëm të Xhibutit, Abdoulkader Houssein Omar.
Takimi është zhvilluar në margjinat e Asamblesë së Përgjithshme të Organizatës së Kombeve të Bashkuara, ku është diskutuar për marrëdhëniet ndërmjet Kosovës dhe Xhibutit.
Konjufca ka bërë të ditur se gjatë takimit është biseduar për forcimin e marrëdhënieve ndërmjet dy vendeve, zgjerimin e bashkëpunimit praktik, si dhe koordinimin më të afërt në forumet shumëpalëshe.
Përmes një postimi në platformën X, Konjufca ka thënë se Kosova e vlerëson partneritetin me Xhibutin, duke theksuar synimin për thellimin e mëtejshëm të bashkëpunimit ndërmjet dy vendeve.
Takimi u zhvillua në kuadër të angazhimeve të delegacionit të Kosovës gjatë qëndrimit në Nju Jork për punimet e Asamblesë së Përgjithshme të OKB-së.
On the margins of #UNGA81 in NY, I met with 🇩🇯 FM Abdoulkader Houssein Omar. We discussed strengthening relations between the Republic of Kosova and Djibouti, expanding practical cooperation, and closer coordination in multilateral fora. We value the longstanding 🇽🇰🇩🇯 partnership and look forward to deepening it further. @MAECIDJIBOUTI
— Glauk Konjufca (@KonjufcaGlauk) September 22, 2026
