Një tërmet me magnitudë 3.8 është regjistruar ditën e sotme në vend, duke shkaktuar lëkundje në zonën pranë Lushnjës dhe në disa territore përreth.
Sipas të dhënave paraprake, lëkundjet sizmike janë regjistruar në orën 12:44. Epiqendra e tërmetit është lokalizuar rreth 8 kilometra në verilindje të Lushnjës dhe rreth 29 kilometra në jugperëndim të Elbasanit.
NEWS “Bredh me makinën e ambasadës, e të ambasadorit”/Skandali i Ramës në Zvicër, Zagani: Qëndroi në hotelin më të shtrenjtëTërmeti është ndier në zonën përreth epiqendrës, ndërsa deri në këto momente nuk ka raportime për persona të lënduar apo dëme materiale.
Autoritetet dhe institucionet përkatëse vijojnë të monitorojnë situatën, ndërsa të dhënat mbi magnitudën dhe vendndodhjen e saktë të epiqendrës mund të përditësohen pas analizave të mëtejshme sizmologjike.
Lëkundjet e kësaj magnitude zakonisht mund të ndihen nga banorët, veçanërisht pranë zonës së epiqendrës.
