Motrat Mustafa vazhdojnë të jenë një nga dyshet më jetëgjata dhe më të njohura në skenën muzikore shqiptare.
Safete dhe Sahide Mustafa kanë ndërtuar një karrierë të suksesshme së bashku, duke ruajtur të njëjtin bashkëpunim ndër vite, shkruan “Kosovarja”.
Përgjatë rrugëtimit të tyre artistik është folur edhe për mundësinë e projekteve individuale. Megjithatë, dy këngëtaret nuk kanë zgjedhur asnjëherë të ndajnë aktivitetin e tyre muzikor, duke vazhduar të prezantohen si një duo.
Pavarësisht ndryshimeve që ka përjetuar industria muzikore, motrat Mustafa kanë mbetur të pandara në skenë. Ato vazhdojnë të jenë aktive në angazhimet e tyre artistike dhe të ruajnë lidhjen e fortë profesionale që i ka karakterizuar ndër vite.
