Ministri i Financave, Hekuran Murati, ka njoftuar se që nga fillimi i kësaj jave komisionet vlerësuese kanë nisur shqyrtimin e aplikimeve për dy masat e mbetura të Pakos për Përballje me Inflacionin 2.0, konkretisht për mbështetjen e punëtorëve të sektorit privat dhe studentëve.
Sipas Muratit, puna e komisionit që po merret me masën për sektorin privat është drejt përfundimit, ndërsa ekzekutimi i pagesave pritet të bëhet në fillim të javës së ardhshme, respektivisht të hënën.
Ndërkohë, komisioni për masën e studentëve do ta përfundojë procesin e vlerësimit sapo të marrë konfirmimet e nevojshme nga institucionet e arsimit të lartë për studentët që kanë aplikuar.
Postimi i plotë:
Që në fillim të kësaj jave, komisionet vlerësuese kanë filluar punën për shqyrtimin e aplikimeve për dy masat e mbetura nga Pakoja për Përballje me Inflacion 2.0, konkretisht mbështetjen për punëtorët e sektorit privat, dhe studentët.
Puna e komisionit për masën e sektorit privat është drejt përfundimit, dhe ekzekutimi i pagesave pritet të bëhet në fillim të javës që vjen, pra të hënën.
Kurse komisioni për masën e studentëve do ta përfundojë punën sapo të ketë marrë konfirmimet përkatëse nga institucionet e arsimit të lartë, për studentët që kanë aplikuar. Edhe për këtë do t’ju njoftojmë me kohë sapo listat për pagesa të jenë gati për ekzekutim.
Qeveria për të gjithë!
