8
Platforma e njohur sociale Instagram ka prezantuar zyrtarisht një përditësim të ri që u jep përdoruesve më shumë kontroll mbi mënyrën se si duket profili i tyre. Tashmë, çdo postim ku je etiketuar (tagged) nga miqtë, bashkëpunëtorët apo faqet e tjera mund ta zhvendosësh direkt në rrjetën kryesore të profilit tënd (main profile grid).
Deri më tani, të gjitha fotot apo videot ku etiketohej një përdorues shkonin automatikisht në një tab të veçantë (Tagged Tab). Me opsionin e ri, këto postime mund t’i promovosh për t’u shfaqur krah për krah me postimet e tua organike.
Si funksionon ky opsion?
Aprovimi manual: Postimet nuk shtohen vetvetiu. Ti vendos nëse dëshiron që një përmbajtje e etiketuar të dalë në rrjetën tënde kryesore apo jo.
Aksesi i lehtë: Opsioni mund të aktivizohet nga njoftimi që merr në DM kur dikush të bën tag, direkt nga menyja me tre pika në postimin e etiketuar, ose duke e mbajtur shtypur foton te rubrika e tag-ave.
Nuk krijon duplikate: Shtimi i fotos në grid-in tënd nuk e riposton atë dhe as nuk krijon një kopje të re. Postimi origjinal mbetet në profilin e autorit që e ka publikuar.
Heqja në çdo kohë: Nëse ndërron mendje, mund ta heqësh përmbajtjen nga rrjeta kryesore pa e fshirë tag-un dhe pa e prekur postimin origjinal.
Ky ndryshim e shndërron profilin e Instagram-it nga një arkivë thjesht kronologjike e përmbajtjeve personale në një portofol të kuruar, ku mund të shfaqësh bashkëpunimet, kujtimet me miqtë apo ngjarjet e rëndësishme pa pasur nevojë t’i ripostosh vetë.
Screenshot
