ShowBizzz

Ndryshojnë planet/ Bora Zemani rikthehet në Top Channel, zbulohet emisioni ku do ta shohim

Një lëvizje e papritur po përgatitet në ekranin televiziv, ku në qendër të vëmendjes është moderatorja Bora Zemani.

Edhe pse vetëm pak muaj më parë u raportua për largimin e saj nga televizioni ku ndërtoi një pjesë të rëndësishme të karrierës, zhvillimet e fundit tregojnë se situata ka ndryshuar.

Pavarësisht se emri i saj u përfol edhe për drejtimin e formatit “Ferma VIP”, planet e saj televizive kanë marrë tjetër drejtim.

Moderatorja pritet të rikthehet në Top Channel gjatë muajit janar, ku do t’i bashkohet emisionit humanitar “Për Shqiptarët” përkrah Elvis Naçit, një projekt në të cilin ka qenë e angazhuar edhe më parë.

Janari pritet të shënojë lëvizje të tjera të rëndësishme në këtë televizion, pasi së fundmi është konfirmuar se edhe Luana Vjollca rikthehet në të njëjtin ekran pas pesë vitesh mungesë.

Kujtojmë se emri i Bora Zemanit u përfol së fundmi edhe për moderimin e edicionit të pestë të Big Brother VIP Kosova, nga ku u raportua se ajo nuk do të jetë pjesë e këtij spektakli.

Të Ngjashme