Pastrimi është i njohur për efektin e tij pozitiv në shëndetin tonë. Për shembull, mund të ndihmojë në lehtësimin e stresit dhe mund të konsiderohet si një stërvitje. Por rezulton se edhe rrëmuja sjell përfitimet e saj, dhe mund të ketë një efekt mjaft pozitiv në personalitetin tuaj.
Një dhomë e çrregullt ndihmon njerëzit të dalin nga normat shoqërore dhe të relaksohen. Sipas një studimi të vitit 2013, njerëzit janë në gjendje të sjellin ide më kreative kur janë në një dhomë të çrregullt. Ata janë të gatshëm të provojnë gjëra të reja dhe janë të hapur për inovacione.
Është e pamundur të ruash rendin çdo sekondë të ditës. Dhe njerëzit që aspirojnë për këtë mund të përjetojnë diçka që quhet “kompulsivitet pastërtie” ose fiksim për pastërtinë. Ata që i kushtojnë më pak kohë dhe vëmendje pastrimit mund të jenë më të relaksuar dhe nuk acarohen pasi kanë parë diçka që është derdhur në dysheme.
Ata që nuk janë të përqendruar tek pastërtia, kursejnë më shumë kohë. Në ndjekje të organizimit dhe rendit perfekt, njerëzit shpenzojnë shumë orë dhe shumë përpjekje për të vënë gjithçka në vendin e saj dhe për të pastruar çdo vend. Parregullsia i ndihmon njerëzit t’i kushtojnë më shumë kohë dhe energji gjërave për të cilat janë vërtet të interesuar.
Është më e lehtë për njerëzit që të gjejnë ato gjëra për të cilat kanë nevojë në mes të një rrëmuje. Gjërat që u nevojiten janë gjithnjë sipër dhe nuk duhet të kërkojnë nëpër rafte. Një tryezë e çrregullt mund të jetë e bezdisshme, por një person i cili është mësuar të dijë saktësisht se ku është çdo gjë e gjen shumë lehtë.
Njerëzit që përpiqen të organizojnë gjithçka janë më pak të përgatitur për gjëra të papritura. Dhe jeta jonë është plot me të tilla prandaj parregullsia do të ndodhë përherë. Për këtë arsye ata që preferojnë rrëmujën janë më të balancuar kur diçka nuk shkon sipas planit.
Natyrisht, kjo nuk do të thotë që duhet të hiqni dorë nga pastrimi dhe të mbani hapësirë shumë rrëmujë. Por ne vetëm ju sugjerojmë që ta merrni më me qetësi situatën kur vjen fjala për pastërtinë dhe herë pas here t’ia lejoni vetes një të ulur në një tryezë të çrregullt.
