Kryeministri Edi Rama ka nisur mëngjesin duke publikuar pamje nga kantieri i punës në Pallatin e Sportit “Tamara Nikolla” në Korçë.
Përmes një postimi në Facebook, Rama ka ndarë me ndjekësit pamje nga punimet që po zhvillohen për rikonstruksionin dhe modernizimin e këtij objekti sportiv.
“Mirëmëngjes dhe nga kantieri i punës i Pallatit të Sportit ‘Tamara Nikolla’ në Korçë, ku puna vijon për t’i dhënë qytetit një hapësirë sportive moderne e të denjë edhe për aktivitete ndërkombëtare, ju uroj një ditë të mbarë”, shkruan Rama.
Punimet synojnë që Pallati i Sportit të shndërrohet në një hapësirë moderne për zhvillimin e aktiviteteve sportive, përfshirë edhe evente me karakter ndërkombëtar.
