Partia Demokratike e Kosovës ka përmbyllur fushatën zgjedhore me një tubim në sheshin “Skënderbeu” në Prishtinë.
Kryetari i PDK-së dhe kandidati për kryeministër, Bedri Hamza, tha se ky moment shënon fundin e një periudhe krize dhe hapjen e një kapitulli të ri për Kosovën.
Ai u shpreh se partia e tij është e gatshme të sjellë ndryshim në qeverisje dhe paralajmëroi fillimin e një faze të re politike, duke theksuar edhe nevojën për llogaridhënie për pushtetin aktual.
Hamza tha se PDK synon të udhëheqë qeverinë e ardhshme dhe se “ndryshimi i madh” do të nisë pas zgjedhjeve.
