Kryebashkiaku i Himarës, Vangjel Tavo ka dalë me një reagim sa i përket tërmetit që u regjistrua pak pas mesnatës në jug të vendit.
Përmes një postimi në rrjetet sociale, Tavo ka njoftuar se Strukturat e Bashkisë Himarë dhe Emergjencave Civile do të jenë në terren për të monitoruar situatën dhe për të kryer evidentimin dhe vlerësimin e çdo dëmi të mundshëm në zonat e prekura.
Po ashtu ai u ka bërë thirrje të gjithë banorëve që në rast se kanë konstatuar dëmtime në banesë si pasojë e lëkundjeve të tërmetit, menjëherë të telefonojnë strukturat e Bashkisë së Himarës.
Njoftimi i plotë:
Gjatë natës, në orën 00:35, është regjistruar një tërmet me magnitudë 4.4, me epiqendër në zonën e Lukovës, Bashkia Himarë, në një thellësi rreth 5 km.
Strukturat e Bashkisë Himarë dhe Emergjencave Civile do të jenë në terren për të monitoruar situatën dhe për të kryer evidentimin dhe vlerësimin e çdo dëmi të mundshëm në zonat e prekura.
U bëjmë thirrje të gjithë banorëve që, në rast se kanë konstatuar dëmtime në banesa, objekte apo infrastrukturë, të njoftojnë menjëherë strukturat e Bashkisë Himarë.
Kontakt për raportimin e dëmeve:
Ilia Gjika
Drejtoria e Emergjencave Civile – Bashkia Himarë
+355 68 630 0930
Bashkia Himarë do të vijojë të ndjekë nga afër situatën dhe të informojë qytetarët për çdo zhvillim.
