Deputeti i PDK-së, Përparim Gruda, i është kundërpërgjigjur kryetares së Dhomave të Specializuara të Kosovës, Ekaterina Trendafilova, e cila ka deklaruar se gjykata është e pavarur dhe se gjykatësit nuk ndikohen nga jashtë.
Gruda ka theksuar se, ndonëse askush nuk mund t’i diktojë gjykatës mënyrën e interpretimit të ligjit, ajo nuk mund të zgjedhë se cilin ligj do ta zbatojë.
Kundërpërgjigja e Grudës:
E vërtetë që askush nuk mund t’ia diktojë gjykatës se si ta interpretojë ligjin. Por gjykata nuk mund të zgjedhë cilin ligj do ta zbatojë.
Ligjet i miraton Kuvendi, ndërsa gjykata i interpreton dhe i zbaton. Prandaj, sapo ligji i ri për Gjykatën Speciale të hyjë në fuqi, Gjykata duhet ta zbatojë.
