Këngëtarja Zanfina Ismaili ka reaguar publikisht lidhur me vrasjen e Arlinda Sylaj – Zekajt, duke shprehur pakënaqësinë e saj përmes një mesazhi të drejtpërdrejtë drejtuar kryeprokurores.
Përmes një postimi në InstaStory, artistja ka publikuar një imazh që lidhet me ngjarjen, së bashku me letrën e Arlindës drejtuar kryeprokurores, duke e shoqëruar me një thirrje të prerë.
‘Dorëheqje, kryeprokurore jep’, ka shkruar Zanfina, duke iu bashkuar reagimeve që kanë pasuar këtë rast.
Në letrën e publikuar, Arlinda kërkon marrjen urgjente të masave ndaj zyrtarëve që, sipas saj, nuk kanë përmbushur përgjegjësitë e tyre.
Ajo shpreh shqetësimin për sigurinë e saj dhe rrezikun që pretendon se i kanoset.
‘Drejtësia për ty është borxh’, artistët shqiptarë reagojnë të tronditur nga vrasja e Arlinda Zekajt
‘Urgjentisht marrjen e masave ndaj zyrtarëve që kanë dështuar rëndë… dhe rreziku për jetën teme të jetë ekzekutimi i menjëhershëm i urdhrit’, thuhet në një pjesë të letrës.
Reagimi i Zanfinës është një tjetër zë publik që kërkon llogaridhënie institucionale, në një debat që vazhdon të ngrejë pikëpyetje mbi sigurinë dhe mbrojtjen e grave.
