6
Paratë nuk vijnë gjithmonë menjëherë. Nga një rritje në rrogë, te kursimet apo suksesi financiar, gjithçka kërkon kohë, mendësi dhe mënyrën e duhur për ta parë veten dhe jetën.
Amanda Frances, e njohur si “Mbretëresha e parasë”, është autore dhe trajnere amerikane biznesi që flet për suksesin financiar, vetëbesimin dhe mënyrën si njerëzit e shohin paranë. Ajo u bë e famshme nga libri “Rich As F*ck” dhe programet motivuese për gratë që duan të ndërtojnë karrierë apo biznes.
Amanda Frances ndau disa këshilla për mënyrën si mund të ndryshohet raporti me financat dhe si mund të krijohet një energji më pozitive rreth parasë.
Meditimi ndihmon për të qartësuar mendjen
Meditimi nuk shërben vetëm për qetësi emocionale. Sipas saj, ai ndihmon për të kuptuar më qartë çfarë kërkohet realisht nga jeta dhe ku duhet fokusuar energjia. Kur mendja qetësohet, bëhet më e lehtë të merren vendime të mira dhe të krijohet hapësirë për mundësi të reja.
Besoji intuitës
Nëse diçka nuk duket e duhur që në fillim, zakonisht ka një arsye. Amanda thotë se intuita është një nga udhëzuesit më të fortë në biznes dhe në jetë. Nga ana tjetër, kur një ide, punë apo projekt të jep ndjesi pozitive, ia vlen të provohet, edhe nëse duket e frikshme ose e paarritshme.
Shkruaji mendimet dhe objektivat
Të shkruarit ndihmon për të kuptuar më mirë veten, frikërat dhe dëshirat. Mbajtja e një ditari krijon qartësi dhe ndihmon për të parë më konkretisht objektivat financiare. Gjithashtu, është një mënyrë e mirë për të reflektuar dhe për të kuptuar çfarë duhet ndryshuar.
Praktiko mirënjohjen
Sipas saj, energjia negative dhe ankesat e vazhdueshme ndikojnë edhe në mënyrën si përjetohet suksesi. Mirënjohja për gjërat që ekzistojnë tashmë në jetë krijon një mendësi më pozitive dhe ndihmon për të parë mundësi të reja. Edhe kujdesi ndaj vetes konsiderohet pjesë e kësaj.
Ndrysho mënyrën si e sheh paranë
Shumë njerëz jetojnë me frikën e mungesës dhe ankthin financiar. Amanda beson se raporti me paranë duhet ndërtuar mbi vetëbesimin dhe jo mbi frikën. Kur largohet ndjesia e mungesës, bëhet më e lehtë të merren vendime më të zgjuara dhe më të guximshme për të ardhmen.
ks
