Këngëtarja Leonora Poloska ka folur për dallimin mes personalitetit të saj në skenë dhe në jetën e përditshme, në një intervistë për revistën “Kosovarja”.
Ajo kishte treguar se në skenë shfaqet me një energji dhe forcë të veçantë, ndërsa në jetën private është më e qetë.
“Unë jam ndryshe në skenë dhe ndryshe në jetë. Në skenë kam një forcë të madhe dhe jam krejt ndryshe. Në jetën reale jam shumë më e butë. Nuk jam njeri që i dua zënkat, debatet e kështu. Dhe e di mirë kufirin mes skenës dhe jetës reale”, është shprehur këngëtarja.
Përmes kësaj deklarate, Leonora ka sqaruar se energjia që përcjell gjatë paraqitjeve skenike nuk pasqyron domosdoshmërisht karakterin e saj në përditshmëri.
