Keisi Medini ka qenë së fundmi e ftuar në një intervistë për “Why Not”, ku si rrallëherë foli për raportet që ka me prindërit e saj që janë divorcuar vite më parë.
Ashtu siç edhe e ka treguar, Keisi tha se me Sabianin ka një marrëdhënie të ngushtë, sikurse edhe me të ëmën, por ndryshe nga këngëtari, ajo nuk e preferon vëmendjen e medias.
“Marrëdhënia me mamin është e njëjtë si ajo me Sabianin, por thjesht duke qenë se nuk është pjesë e botës së televizionit kam dashur ta lë si mënjanë, pasi nuk ka qejf që të dalë nëpër portale. E lë mënjanë, pasi dua që ajo të ketë qetësinë e saj, e kam si motër. Jam rritur me dashuri shumë të madhe, babi dhe mami janë 24 orë pas meje.”
Lidhur me raportin që mban Sabiani me nënën e saj, Keisi tha se këta të fundit gëzojnë shumë respekt për njëri-tjetrin.
“Normal që mami dhe babi takohen, kanë një marrëdhënie shumë të mirë, si rallëherë ndodh në Shqipëri. Kanë respekt për njëri-tjetrin e kanë pasur gjithmonë, ai është një baba perfekt, kujdeset dhe për mamin tim. Është një kryefamiljar perfekt.”
