Kendall Jenner dhe Bad Bunny e kanë mbajtur romancën e tyre relativisht private që kur ajo nisi në fillim të këtij viti – por ata dolwn lirshwm gjatw fundjavës.
Jenner, 27 vjeç dhe Bad Bunny, 29, morën pjesë në koncertin e Drake në Forumin Kia në Inglewood, Kaliforni, të dielën, më 13 gusht, me motrën e Jenner, Kim Kardashian.
Në një video të TikTok të kapur nga një tjetër pjesëmarrës i koncertit, çifti u pa duke u argëtuar në vendet e tyre VIP ndërsa Drake, 36 vjeç, performonte “God’s Plan”.
Në një video tjetër, Kardashian, 42 vjeç, shkrepi foto ndërsa motra e saj më e vogël lëkundej në muzikë me Bad Bunny, emri i vërtetë i të cilit është Benito Antonio Martinez Ocasio.
Më vonë grupit iu bashkua edhe ish-partneri i Khloe Kardashia, Tristan Thompson.
Një tjetër klip tregonte Bad Bunny duke vendosur krahun e tij rreth belit të Jennerit teksa kërcenin. Në një moment, ajo u përkul për t’i thënë diçka të dashurit të saj, i cili më pas i dha një puthje.
Jenner kishte veshur një bluzë të zezë me pantallona lëkure teksa kishte flokët lëshuar sipër, ndërsa partneri i saj – emri i lindjes së të cilit është Benito Antonio Martinez Ocasio – veshi një xhaketë ngjyrë bezhë me pantallona lëkure gjithashtu, ndërsa shtoi një kapelë të gjelbër ushtarake.
Të dy dukeshin shumë të afër me njëri-tjetrin pasi duket se po bëhen gjithnjë e më seriozë pas disa muajsh lidhje.
Modelja e mbajti me dashuri fytyrën e tij, ndërsa ai e vendosi krahun rreth saj dhe ajo i pëshpëriti diçka, përpara se dyshja të fillonte të kërcente nën ritmin e muzikës.
Një tjetër video e fansave tregon çiftin duke mbajtur njëri-tjetrin dhe më pas zogjtë e dashurisë duke u mbajtur për dore.
