Administrata amerikane është përfshirë nga një tjetër rast i bujshëm, pasi zv.sekretarja e Sigurisë së Brendshme, Julia Varvaro është pezulluar nga detyra pas dyshimeve për përdorimin e një profili në një faqe takimesh për të ashtuquajturit “sugar daddy”.
Ky është termi që përdoret për partnerë të pasur, që falë kapacitetit të madh financiar, i sigurojnë të dashurave të tyre jetesë me standarde të larta. Sipas raportimeve të mediave ndërkombëtare, Varvaro dyshohet se ka pasur një llogari në platformë me një emër të rremë, ku përdorej identiteti “Alessia”.
Ky profil i 29-vjeçares dyshohet se ishte i lidhur me komunikime me burra më të moshuar dhe me gjendje të mirë financiare. Llogaria e saj u raportua nga një ish-i dashur, të cilit ish-nënsekretarja dyshohet se i kërkoi dhurata dhe udhëtime të shtrenjta.
Padia, e paraqitur te inspektori i përgjithshëm i DHS, u paraqit nga një ekzekutiv i identifikuar si “Robert B”, i cili tha se shpenzoi afërsisht 40,000 dollarë për Varvaro gjatë marrëdhënies së tyre tremujore pasi u takuan në Hinge.
Në ankesën e tij, Roberti pretendoi se Varvaro kishte krijuar një profil në faqen e internetit për “sugar daddy”, Seeking. “Nuk doja një marrëdhënie “sugar daddy”/prostitucion, pasi shpenzova 30,000-40,000 dollarë për pushime, bizhuteri Cartier, çanta të shtrenjta dhe udhëtime të ndryshme për pazar”, shkroi ai.
Sipas burrit që bëri denoncimin, kërkesat e saj të vazhdueshme për para përbënin një rrezik sigurie.
“Varvaro është në pushim administrativ si rezultat i hetimit dhe ajo nuk shërben më në cilësinë e saj si Zëvendës Ndihmëse Sekretare në DHS”, tha një zyrtar i departamentit për The Independent.
Megjithatë, Varvaro i hodhi poshtë akuzat, duke i quajtur ato shpikje të një ish-i të zhgënjyer.
“Nuk e dija që ishte gjë e keqe të shkoje me pushime me të dashurin tënd”, tha ajo për The Daily Mail. “Ishim bashkë në një lidhje ekskluzive. Shkuam me pushime. Nuk e di se çfarë problemi ka këtu.”
Ndërkohë Marc Polymeropoulos, një ish-zyrtar i CIA-s, tha se i sheh akuzat si shqetësuese.
“Akuzat për një lidhje si “sugar daddy” dhe të ardhurat e pa raportuara nga ajo lidhje janë çështje serioze për personelin e sigurisë së DHS që duhet të zgjidhen”, i tha ai gazetës.
