Hailey Bieber po tërheq sërish vëmendjen me zgjedhjet e saj të stilit, këtë herë nga rrugët e New York City. Modelja u shfaq me një kombinim pantallonash dhe këpucësh që, sipas ekspertëve të modës, është një nga formulat më të dashura të stilit francez.
Prej kohësh flitet për rikthimin e pantallonave me prerje “cropped flare”, dhe fakti që figura si Bieber i vesh vazhdimisht e konfirmon këtë trend. Edhe pse mund të kombinohen lehtësisht me këpucë të sheshta, për të arritur atë elegancë të thjeshtë dhe të rafinuar tipike franceze, zgjedhja e duhur duket të jetë një tjetër: këpucët me taka të ulëta, të njohura si “kitten heels”.
Në paraqitjen e saj, Bieber i kombinoi pantallonat e zeza me një bluzë, po ashtu të zezë, dhe një palë “kitten-heel pumps”. Ky model këpucësh nuk është i ri, por mbetet një klasik që nuk del nga moda dhe lidhet ngushtë me estetikën minimaliste dhe chic të grave franceze.
Arsyeja pse ky kombinim funksionon kaq mirë është e thjeshtë: maja e mprehtë e këpucës duket elegante nën prerjen e hapur të pantallonave, ndërsa taka e ulët krijon një balancë perfekte.
Një takë shumë e lartë mund t’i bëjë pantallonat të duken tepër të shkurtra, ndërsa “kitten heels” ruajnë harmoninë dhe finesën e look-ut.
Ky stil, i përqafuar prej kohësh nga influencuese franceze, dëshmon se eleganca nuk ka nevojë për përpjekje të tepruar.
Mjafton kombinimi i duhur për të krijuar një pamje të kuruar , moderne dhe pa mundim.
