Gazetari i showbizit, Elton Tozaj, ka bërë një tjetër deklaratë në rrjetet sociale, këtë herë duke iu drejtuar Andi Murrës.
Përmes një postimi në Instagram, Tozaj ka publikuar një mesazh të shkurtër, por të drejtpërdrejtë, ku shkruan: “Andi Murra! Materialet do i kalohen policisë!”
Deklarata vjen pas një sërë reagimesh dhe pretendimesh që gazetari ka bërë së fundmi për personazhe të ndryshme të njohura të ekranit dhe botës së artit.
Megjithatë, Tozaj nuk ka sqaruar se çfarë përmbajnë materialet që përmend, si janë siguruar ato apo me çfarë çështjeje lidhen konkretisht.
Nuk dihet gjithashtu nëse gazetari i ka dorëzuar tashmë ndonjë material autoriteteve apo nëse bëhet fjalë për një veprim që synon ta ndërmarrë në vijim.
Deri më tani, nuk ka një konfirmim zyrtar për ndonjë hetim ndaj Andi Murrës lidhur me këtë deklaratë, ndërsa mbetet për t’u parë nëse Tozaj do të japë sqarime të mëtejshme mbi pretendimet e tij.
