Ish-efektivi i Policisë së Shtetit, Uljan Shpataraku, ka depozituar një padi ndaj institucionit ku ka shërbyer, duke kundërshtuar vendimin për shkarkimin e tij nga detyra.
Shpataraku u largua nga radhët e Policisë së Shtetit në muajin maj të vitit 2026, me vendim të firmosur nga Drejtori i Përgjithshëm i Policisë së Shtetit, Skënder Hita. Sipas arsyetimit zyrtar, ai u përjashtua për shkak se nuk ishte paraqitur në punë.
NEWS “Rama n’burg, Belinda n’burg”/ Deputeti i PS gris pankartën e vendosur në derën hyrëse të KuvenditNga ana tjetër, të dhënat e bëra publike tregojnë se gjatë kësaj periudhe Shpataraku ishte duke ndjekur studimet master në Akademinë e Sigurisë.
Nëpërmjet padisë së paraqitur në gjykatë, ish-efektivi kërkon verifikimin e ligjshmërisë së vendimit të shkarkimit dhe rikthimin e tij në detyrë.
Uljan Shpataraku është njohur më herët si një prej personave të afërt me ish-drejtorin e Përgjithshëm të Policisë së Shtetit, Ilir Proda, gjatë periudhës kur ky i fundit drejtonte institucionin.
NEWS Ndryshon Kodi Rrugor, heqje patente përgjithmonë për këta shkelës; masa të rrepta për telefonët
