Filmi i animuar i Sony “Spider-Man: Across the Spider-Verse” është ndaluar në Emiratet e Bashkuara Arabe sepse nuk është në përputhje me ligjet e tij të censurës.
Edhe pse nuk kanë dhënë një shpjegim zyrtar, arsyeja supozohet të jetë një poster që Gwen Stacy, e njohur ndryshe si Spider-Gwen, ka në dhomën e saj.
Posteri ka një flamur transgjinor me mbishkrimin “Mbrojini fëmijët transgjinorë”. Për më tepër, babai i Gwen mban një distinktiv në mbështetje të komunitetit LGBTQ në uniformën e tij të policisë, duke bërë që disa fansa të dyshojnë se Gwen është transgjinore.
Emiratet e Bashkuara Arabe kanë ligje shumë të rrepta kur bëhet fjalë për përshkrimet e komunitetit LGBTQ. Duke pasur parasysh se ligjet e censurës në Arabinë Saudite janë pothuajse identike me ato në Emiratet e Bashkuara Arabe, hiti i Sony mund të ndalohet edhe atje.
This whole “Gwen Stacy is or isn’t trans” argument strikes me as more of a ‘viewers not knowing how to read movies’ thing. It can simply be allegory to facilitate classic Spider-Man coming-of-age & outsider identity themes. It’s subjective subtext, not a legitimate plot point. pic.twitter.com/JPB4nVsfWi
— Sam Gavin (Sam’s Channel) (@SamuelGavin) June 11, 2023
Kjo nuk është hera e parë që ndodh diçka e tillë. Filmi i animuar i Disney-Pixar i vitit të kaluar “Lightyear” u ndalua gjithashtu në Lindjen e Mesme, sepse shfaqte protagonisten duke puthur partnerin e saj.
Pavarësisht ndalimit në Lindjen e Mesme, “Spider-Man: Across the Spider-Verse” është aktualisht një nga filmat më të ndjekur në kinema dhe në pak më shumë se dy javë, ka fituar më shumë se 494 milionë dollarë./abcnews.al
